Hilahang-Lubid

Isip nang isip.

Pilit nang pilit.

Iisiping pilit.

Pipiliting isipin.

Tumutuklas

sa pagtaliwas;

Winawari

ang laro’t tiyempo

ng mga salita.

Babalik-balik-balikan

Babalik-balik-baliktarin:

Walang sisimulan

sa bukas

‘pag natapos na.

Mamimilit sa

malimit na umulit;

magsusumamo

magpapalaya

sa tamang gunita.

‘Di babalik.

‘Di babaliktarin:

May bukas

sa natapos

at sisimulan.

‘Di man magkikita sa gitna,

Walang

hanggang

dito

lang

dito

lang

walang

hanggan.

---

Pindutin ang maganda kong larawan sa ibaba para makabalik sa pangunahing pahina. *Pasensiya na, nautusan ka pa.*